Velkomin á heimasíðu Sigurlínu
| Mánudagurinn 7. maí Þá er sumardagurinn fyrsti liðinn og sumarið á næsta leiti. Meira að segja nýfædd folöld á túnum í kringum mig, sem er alltaf yndisleg sjón. Ég er farin að huga að opnun í sumar á vinnustofunni í hesthúsinu. Ég stefni á að opna Myndlist í hesthúsi í Reykholti laugardaginn 9. júní. Vona að sumarið verði gott og margar myndir eigi eftir að fæðast. |
|
| Sunnudagurinn 8.apríl Gleðilega Páska |
|
| Mánudagurinn 2.apríl Fékk þetta verkefni í sumar að mála þessa fimm ferðafélaga. En eigandinn sem þurfti að hætta í hestamensku vildi hafa hafa þá nær sér eftir áralanga samveru. |
 |
| Laugardagurinn 18. febrúar Þessi nýja mynd sem ég kýs að kalla Birta er til sölu, hún verður c.a.70 x 100 cm. þegar hún verður komin í ramma. |
 |
| Sunnudagurinn 29.janúar Þá er snjórinn loks á undanhaldi og rigningin alsráðandi. Ég fór niður í Ölfushöll fyrir helgi og hengdi upp nokkrar kolamyndir, þessi er meðal þeirra, en gaman er að teikna liggjandi hesta frá ýmsum hliðum. Það gekk brösulega að taka ljósmynd af henni en flassið er bilað á ljósmyndavélinni minni svo hún er svolítið dekkri en hún er í raun og veru. Ég er kominn á fullt skrið að mála aftur eftir jólafríð enda margar pantanir framundan sem ég náði ekki að klára fyrir jól. |
 |
| Laugardagurinn 7. janúar Gleðilegt nýtt ár. Þá hef ég flutt vinnuaðstöðuna inn í bílskúr þar sem ég mun vinna að myndum fram á vor, en í hesthúsið eru komnir hestar og notalegt að fara aftur að gegna, járna og bregða sér á bak þegar tími leyfir. Þessi mynd er máluð með olíu á striga og er hesthár (fax) límt í faxið eftirá. |
 |
| Laugardagurinn 24. desember Óska öllum Gleðilegra jóla og farsældar á komandi ári. Sérstakar þakkir til viðskiptavina einnig þakka ég falleg orð og velvilja allra sem skoðuðu heimasíðuna og hesthúsið á árinu. Sigurlína Kristinsdóttir |
 |
| Laugardagurinn 17. desember Þá nálgast jólin. en þetta verður seinasta helgin sem verður opið í hesthúsinu hjá mér. Þangað til næsta vor en þá stefni ég á að opna aftur. í dag er opið frá 11.00- 17.00 og á morgun sunnudag verður opið frá 13.00 -17.00. frá 19-23 desember mun eg opna fyrir viðskiptavini eftir samkomulagi í síma 695-1541 Ég mun að sjálfsögðu halda áfram að mála og verður hægt að nálgast myndlist og listmuni heima hjá mér eftir jól á Bjarkarbraut 17. |
 |
| Laugardagurinn 10. des Opið í dag í hesthúsinu frá 11-17. Falleg gjafavara fyrir hestafólk og unendur myndlistar |
 |
Laugardagurinn 26.nóvember. Opið í dag frá 11-17. Hestadagatalið komið aftur úr prentun og verður til sölu en einnig verður hægt að fa dagatalið og veggspjöld í Aratungu í dag því hinn árlegi jólabasar verður haldinn þar og hefst kl.13.00. |
 |
| Laugardagurinn 12. nóvember. Það verður opíð í dag í hesthúsinu frá 11-17. Er þessa dagana á fullu að mála upp í pantanir, en alltaf bætast samt nýjar myndir, skeifur, handmáluð egg og kolamyndir við. Þessi gæti verið af einhverjum gæðingunum sem búið er að sleppa í hagagöngu fyrir haustið. |
 |
| Laugardagurinn 29. september Um næstu helgi verður safnahelgin á Suðurlandi 4-6. nóvember. Það verður opið hjá mér í hesthúsinu þá helgi bæði laugardaginn og sunnudaginn. Að þessu tilefni verður til sölu dagatal með hestamyndum sem kemur úr prentun á miðvikudaginn 2. nóvember. |
 |
| Föstudagurinn 30.september Í næsta mánuði ætla ég að halda myndlistarnámskeið. Námskeiði verður laugardaginn 29. október í hesthúsinu í Reykholti Biskupstungum. Fólk hefur komið á tal við mig og beðið um námskeið bæði í teikningu og málun mig langar að halda stuttann fyrirlestur í upphafi námskeiðs um hvort tveggja en síðan gæti hver og einn unnið á sínum forsendum með það sem er efst í huga. Skráning í síma 695-1541eða 482-1540 |
 |
| Sunnudagurinn 18.september Hef alltaf langað til að eiga hvítann hest. Þessi mynd sem var máluð í sumar er farinn til eiganda sinna, en draumurinn um hvíta hestinn minn hverfur ekki. Líklega mála ég bara fleiri hvíta hesta og held áfram að láta mig dreyma. |
 |
| Laugardagurinn 10. september Það er farið að kólna og sannarlega orðið haustlegt. Það var heldur hlýrra í sumar þegar hestarnir mínir voru í gerðinu við hesthúsið, þannig að ég gat virt þá fyrir mér og skoðað atferli þeirra. Þær voru ófáar myndirnar sem ég tók, ásamt skissum þar sem hesturinn var stúderaður í bak og fyrir. Hér er olíumálverk 20x20 c.m. Hófur í möl. |
 |
| Fimmtudagurinn 18. ágúst Breyttur opnunartími í hesthúsinu fram að jólum. Opnunartími verður : Laugardagar 11.00-17.00 Á sunnudögum og eftir 17.00 virka daga er alltaf möguleiki að opna fyrir gesti ef ég á heimangengt. Vinsamlegast hafið samband í síma 695-1541, einnig til að panta fyrir hópa. |
 |
| Þriðjudagurinn 9. ágúst Þá er komið að seinustu vikunni sem verður opið alla daga í hesthúsinu hjá mér. Það eru komnar nýjar litlar olíumyndir. Hér má sjá mynd af hesti á beit við Heklurætur og mynd af flipa á hesti. Á laugardaginn verður mikið um að vera en þá er Aratunga 50. ára og dagskrá í Reykholti allann daginn. Hjá mér verður opið þann dag frá 11.00-18.00. Gestir velkomnir. |
 |
 |
| Föstudagurinn 5. ágúst Íslenski hesturinn hefur mikla útgeislun hann hefur allar þessar gangtegundir og fas, ásamt því að vera sterkur og lífseigur. Fátt prýðir meira íslenska náttúru hvort sem um vetur eða sumar er að ræða en hesturinn. Þessi hestur er á tölti og gæti svo sem er tekið þátt í hvaða keppni sem væri. Hann er þó frjáls og fer mikið og ákvað ég að skýra myndina Náttfari. |
 |
| Fimmtudagurinn 28. júlí Framundan er Verslunarmannahelgin og margir fara í ferðalag. Þessir þrír eru í hestaferð og þurftu að fara yfir á. Þeir eru á leið í náttstað enda komið kvöld. |
 |
| Laugardagurinn16.júlí. Það eru alltaf að fæðast nyjar myndir. Hér er ein af fimm hestum í haga þetta er olía á striga. Nýar olíu myndir má sjá hér http://sigurlina.123.is/album/default.aspx?aid=191959 og nýjar kolamyndir hér http://sigurlina.123.is/album/default.aspx?aid=191781 |
 |
| Þriðjudagurinn 5.júlí Þá er Landsmóti hestamanna lokið og ég aftur komin í hesthúsið með Myndir og listmuni. Það verður opið í dag frá 11.00-17.00 og eins er það út vikuna til og með laugardegi en á mánudögum frá 11.00 - 14.00 |
 |
| Sunnudagurinn 19.júní Það er loksins farið að glitta í sumar. Það er alltaf falleg sjón að sjá nýfæddu folöldin á vorin. Ég hef ekki mikið gert af því að teikna og mála folöld en ákvað að gera tilraunir með það og hér er ein myndin af skjóttri meri og folaldi. |
 |
| Föstudagurinn 17. júní Gleðilegann þjóðhátíðardag. Að fylgjast með stóði úti í haga er fróðlegt og um leið nærandi fyrir augað. Þessi mynd varð til eftir að ég fór út og skissaði liggjandi hesta einn morguninn. Það eiga eflaust eftir að bætast fleiri við. |
 |
| Laugardagurinn 11. júní Hef opnað vinnustofu í hesthúsinu mínu í Reykholti Biskupstungum. Þar verða verk mín, myndir og listmunir sem tengjast íslenska hestinum, til sýnis og sölu. Í einni stíunni er myndlistarhorn fyrir börn, penslar blöð og litir til að mála og lita með. Við hesthúsið verða oftast tveir hestar til að skoða og klappa Opnunartímar frá 10. júní-13.ágúst.Mánudagar 11-14 Þriðjudagar-laugardagar 11-17 Sunnudagar lokað Lokað verður landsmótsviku hestamanna 26-3.júní. Laugardaginn 18 júní er Reykholtshátíð og þá verður opið frá 11-17. |
 |
 Vinnustofan ( Art studio) í hesthúshverfinu í Reykholti Biskupst. |
| Þriðjudagurinn 7. júní Hef verið að hanna þessa listmuni sem ég ætla að vera með til sölu og sýnis í hesthúsinu mínu í sumar, einnig stefni ég á landsmót með þá ásamt myndunum mínum. Eggin eru frá hænunum mínum sem eru sænskar brúnhænur og gefa þessi fallega gullbrúnu egg. Skeifurnar sem ég kalla Lukkuskeifur eru notaðar gamlar skeifur festar á platta. Ég mála svo á þetta íslenska hestinn og er eingin skeifa eða egg eru eins. |
 |
| Sunnudagurinn 24. apríl 2011 Þá eru páskarnir komnir. Það hefur verið talsvert að gera hjá mér fyrir páskafrí en er nú komin með nýjar myndir. Gleðilega Páska |
 |
| Mánudagurinn 21.mars 2011 Er að teikna kolamyndir og er á dagskránni hjá mér að gera fleiri sem fyrst. |
 |
| Mánudagurinn 21.mars 2011 Þá ætla ég að vera með Myndlistarnámskeið í Bjarkarhóli Reykholti. Námskeiðið verður haldið laugardaginn 26.mars og hefst kl;10.00 tekið verður hálftíma hádegishlé og líkur svo námskeiðinu 16.30
Efniskaup: Stutt lýsing á námskeiði: Skráning í síma 695-1541eða 482-1540 482-1540 |
Þá er komið nýtt ár og tými til að staldra við og skoða liðið ár. Ég tel að mörg góð verk hafi litið dagsins ljós á liðnu ári og vona að nýtt ár verði ekki síðra. Ég þakka öllum þeim sem leituðu til mín með myndir, logo ofl. á liðnu ári. Stefnan er að vera dugleg að mála á árinu og ætlunin að halda fljótlega námskeið hér í Biskupstungunum, fyrir þá sem vilja læra eitthvað um olíu og akrýl málun. Hér er mynd sem ég málaði af fossinum Faxa í Tungufljóti. |
|
Þriðjudagurinn 30. nóvember Þennann farandgrip hannaði ég fyrir Hrossaræktarfélag Biskupstungna Hausinn er úr leir en stöpullinn úr gegnheilu mahogni. Hann var veittur í fyrsta sinn á föstudaginn síðastliðinn en það var Landsbankinn í Reykholti sem gaf gripinn. Hann verður veittur því hrossaræktarbú sem skarar fram úr hvert ár, en það var Bræðratunga sem fékk gripinn árið 2010. |
|
---------------------------------------------------------------------------------------------------------------------------------------------------------------------------------
| Kolateikning Rökkvi Þessi mynd er 60x80 cm, unnin með svartri og hvítri krít á pappír. Hún er til sölu |
 |
| Myndir málaðar á veggi í Friðheimum Fékk mjög skemtilegt verkefni í sumar að mála myndir inni í hesthúsi á veggi. Annarsvegar var þemað hesturinn í íslenskri náttúru og í hitt rýmið hesturinn og gangtegundir. Myndirnar eru málaðar með akrýl og plastmállingu á spónaplötur. Sjá nánar myndir |
 |
|
Myndlistarsýning Bjarkarhóli |
 |
--------------------------------------------------------------------------------------------------------------------------------------------------------------------------------
|
Komið þið sæl |
 |
